Vanessa – Inspiration Line

Vanessa er einsog myndin sýnir axlarsíð hárkolla með vinstri skiptingu þar sem hárið hefur verið handhnýtt í gegnsæjan grunn. Hárið er gervi hár og liðað. Hún er klippt í styttur.Mjög smart, létt og falleg hárkolla.  Ráðleggjum við viðskiptavinum að nota eingöngu sjampó + balsam sem ætlað er fyrir gervi hár til að þvo hárkollurnar. Ekki má nota heitt sléttujárn – krullujárn eða nota hárblasara í gervi hár þar sem hárið getur bráðnað í of miklum hita, en fyrir vikið er fyrirhöfnin við að halda henni við svo til engin.

Grunnurinn er  vélunnin fyrir utan  hárið í framlínunni (það er við ennissvæðið). Þar hefur hárið verið handhnýtt í gegnsæjan grunn sem líkir eins vel eftir hársverði og hægt er að óska sér í hárkollu. Það  loftar mjög vel um grunninn.  Á innanverðum grunninum sést að það  hefur verið  saumaður  stamur renningur fyrir ofan sitthvort eyra og einnig aftan á hálsinum.  Þessir stömu renningar gera það að verkum að  hárkollan situr enn betur á kollinum. Hárkolluna er hægt að víkka eða þrengja aftan á hálsinum á innanverðum grunninum. Þar eru 2 flipar sitthvoru megin (franskur rennilás) sem hægt er að stilla til að víkka eða þrengja.

Vanessa er framleidd í 11 litum.

Einnig framleidd í stærð 58 cm.